Աստվածաշունչ - Արարատ թարգմանություն

Աստվածաշունչ

Արարատ թարգմանություն

Մուտք
content
տեքստային
Ցանկ

Լրահոս - Բանալի բառերը թարմացվել են

Կայքի նոր հնարավորությունների մասին տեղեկացնող և այդ հնարավորությունները նկարագրող լրահոս: Լրահոսը էլ. փոստով ստանալու համար բաժանորդագրվեք: Բաժանորդագրությունը ակտիվացնելու համար պետք է մուտք գործել և Պրոֆիլի Բաժանորդագրություններ բաժնից ընտրել «Լրահոս» դաշտը:

Բանալի բառերի տվյալների հենքը թարմացվել է՝ վերադասակարգվել է նոր բառարմատային հիմքերի, ինչի շնորհիվ հեշտացել է հետաքրքրող բառերի փնտրման գործընթացը և ուսումնասիրությունը։

Սկզբում ցույց տանք կայքում տեղ գտած տերմինաբանությունը։

Օրինակ Մեսիա հատուկ անունը, բառարմատը կամ բանալի բառը Արարատ թարգմանության մեջ հանդիպում է 17 տեղում, որից 2 տեղում Մեսիա բառով, 9 տեղում Մեսիայի բառով և 6 տեղում Մեսիան բառով։ Տես հետևյալ էջը՝ http://bible-links.org/search.php?s=Մեսիա&type=7:

Այսպիսով, կայքում տեղ գտած տերմինաբանությամբ, Մեսիա բանալի բառը հանդիպում է 3 ունիկալ բառի (Մեսիա, Մեսիայի, Մեսիան) տեսքով 17 տեղում։

Աստվածաշնչի Արարատ թարգմանության փնտրման տվյալների հենքում առկա է 6․053 բանալի բառ, 41․901 ունիկալ բառ և 574․655 բառ, որոնք դասակարգված են 7 բանալի բառերի խմբերում։ Մանրամասների համար տես հետևյալ էջը՝ http://bible-links.org/keywords.php:

Այս պահին բանալի բառերը հասանելի են 2 տարբերակով՝ գլխավոր էջից և փնտրման միջոցով։

Գլխավոր էջից բանալի բառերին հասնելու համար գնացեք Գլխավոր էջ և էջի վերջում կգտնեք Բանալի բառեր պարբերությունը։ Վերջինս այս պահին պարունակում է բանալի բառերի հետևյալ 7 խմբերը՝

Սեղմելով համապատասխան հղման վրա կտեղափոխվեք այդ խմբի բոլոր բառերը պարունակող էջում, որտեղ և կգտնեք Ձեզ հետաքրքրող բառը։

Բանալի բառերը տեսնելու հաջորդ եղանակը փնտրումն է։ Փնտրման դաշտը հասանելի է կայքի բոլոր էջերից։ Այն գտվում է յուրաքանչյուր էջի վերևի ձախ անկյունում։ Ձեզ հետաքրքրող բառը կամ նրա սկզբի մի քանի տառերը գրեք փնտրման դաշտում և բացված առաջարկվող բառերի մեջից սեղմեք Ջեզ հետաքրքրող բառի վրա։ Հարկավոր է կրկնել, որ պետք է սեղմել բառի վրա և ոչ թե կողքի խոշորացույցի կամ Enter ստեղնի վրա, որովհետև բառի վրա սեղմելը տանում է բանալի բառի էջը, իսկ այն դեպքում երբ սեղմվել է խոշորացույցը կամ Enter ստեղնը՝ հավաքված տառերով փնտրման արդյունքների էջը։

Բանալի բառի էջը փնտրման արդյունքների էջից տարբերվում է նրանով, որ բանալի բառի էջը պարունակում է միայն այդ կոնկրետ բանալի բառը կամ բառարմատը ունեցող բառերը, իսկ փնտրման արդյունքների էջը՝ այդ բանալի բառի տառերով սկսվող յուրաքանչյուր բառ։ Ասվածը ավելի պատկերավոր դարձնելու համար բերենք մի օրինակ։

Սկզբում փնտրման դաշտում գրենք ածել բառարմատը և բացված առաջարկվող բառերի ցուցակից ընտրենք ածել բանալի բառը։ Կբացվի հետևյալ էջը՝ http://bible-links.org/search.php?s=ածել&type=3: Ինչպես երևում է բացված էջում ածել բանալի բառը հանդիպում է 24 ունիկալ բառի (որոնց շարքում ածել, ածողների, կ՛ածեն, չ՛ածածովը և այլն) տեսքով 85 տեղում։

Եվ վերջում կրկին փնտրման դաշտում գրենք ածել բառը և սեղմենք խոշորացույցը կամ Enter ստեղնը։ Կբացվի փնտրման արդյունքների էջը՝ http://bible-links.org/search.php?s=ածել: Ի տարբերություն բանալի բառի էջի փնտրման արդյունքների էջում հայտնվել են ածել բառով սկսող 2 բանալի բառ՝ ածել և ածելի համապատասխանաբար 5 (ածել, ածելը, ածելիս, ածելով, ածելու) և 2 (ածելի, ածելիով) ունիկալ բառերի տեսքով 16 տեղում։

Ինչպես արդեն հավաստիացանք բանալի բառերը հանդիսանում են Աստվածաշունչը ուսումնասիրելու լավագույն գործիքներից մեկը։ Շտապենք տեղեկացնել նաև, որ արդեն սկսվել է Հատուկ անուններ բանալի բառերի եբրայերեն նշանակությունը թարգմանելու գործընթացը և հուսով ենք, որ մինչև տարեվերջ այն կկարողանանք ավարտին հասցնել։ Հետագայում, կավելացվեն նաև որոշ շատ հետաքրքրաշարժ բանալի բառերի հանրագիտական տեղեկությունները, Աշխարհագրական անունների քարտեզները, և շատ ու շատ այլ գործիքներ ևս։

Վերջում նշենք նաև, որ բանալի բառերը թարմացվելու հետ զուգընթաց ուղղվել են նաև բազմաթիվ վրիպակներ, տառասխալներ և կետադրական սխալներ։

Մաղթում ենք հաճելի և արդյունավետ աստվածաշնչյան ուսումնասիրություններ։ Աստված Ձեզ հետ։

Թողարկման ամսաթիվ՝ 2015-02-10 03:33:40